Yus Dt Prapatiah – Pitaruah Ayah Untuak Calon Pangulu


Assalamulaikum wr wb

Bismillahirrohmanirrohim.

Manolah  nak kanduang ayah, ka mari-mari anak duduak duduak ado rundingan ka disabuik. Ayah ingin bamuko-muko basurah batutua panjang bakato ba mungkin-mungkin. Nak lapeh sasak didado nak lansai utang ka bayia, jannyo takalang-kalang juo ibaraik duri dalam kuku bak tulang karongkongan kini malah ayah lafazkan. Waang kan alah tau juo nak, dalia nan sakah kaadaan satantang badan diri ayah. Umua samakin laruik juo bak hari bajawek sanjo. Lah sirah cayo muntari manunggu luluih ka tabanam. Tubuah lah puak kudaraik habih darah dingin bathinlah kandua paratian lah lamo puda. Sagalo pasak lah habih ranggang, satiok kabek lah habih lungga, serak baserai jo bagian itu nan lazim pado alam.

from www.kiwidandd.multiply.com

Pangulu

Apo nan lazim pado alam, daulu inyo tiado kudian barunyo ado akhianyo lanyap tak basiso. Jikok diliek pado nan lahia nak, dipandang-pandang dalam camin umua ayah indak ka lamo. Antah beko antah barisuak  ajadulah datang manjapuik nan punyo tibo mamanggia. Dari tanah suruik ka tanah pulang ka asa mulo jadi dunia balipek hanyo lai. Dek sabab karano itu nak, mananti ajal balun sampai tarago nyawo dalam tubuah salagi hangok turun naiak, nak ayah sudahkan karangko cinto nan lansai bangkalai kasiah, sayang nan tibo digunjainyo sinan salasai palangkahan. Oh nak kanduang sibiran tulang ubek jariah palarai damam si dingin tampa di kapalo, buah hati limpo bakuruang gantuangan ayah jo bundo. Anak mudo salempang dunie sumarak kaum Caniago pamenan suku rang Sikumbang bungo ka kambang di nagari. Dangalah melah elok-elok nak, simakkan bana nyato-nyato, mak jaleh makna paham nak sahiah sasaran kato. Piliahi sado nan taserak kampuangkan kok inyo taganang, ambiak nan boneh ka tinaman nan hampo bialah hanyuik.

Penghulu by Eddy S - West Sumatra - A Journey to Paradise_files

*******

Adi dunsanak sakampuang saranah minang dimano sajo barado, barikuik kami lewakan Pitaruah Ayah Untuak Calon Pangulu dari angku Yus Dt Prapatiah pimpinan Balerong Group Jakarta, semoga ado manfaat nan bisa kito ambiak untuak mambangun nagari asa kito masing-masing. Pabilo dari dunsanak ado nan bakalapangan, donasi bisa dilakukan lansuang mahubungi angku Yus Dt Prapatiah rang nagari Sungai Batang salingka danau Maninjau pado nomor 0815 971 9761. Demikian sajo nan bisa kami sampaikan, kok ado nan takurang, salah jo jangga itu datangnyo dari kami sabab nan bana hanyo datang dari Allah azza wajalla.

wasalam

Armen Zulkarnain
Padang

Pituah Ayah Untuak Calon Pangulu – Yus Dt Prapatiah

Pituah Ayah Untuak Calon Pangulu - Yus Dt Prapatiah

Pituah Ayah Untuak Calon Pangulu - Yus Dt Prapatiah

Yus Dt Prapatiah – Babaliak Ba Nagari (free download)


Assalamualaikum wr wb

Manolah angku, mamak, bundo jo adi dunsanak sapalanta PAM nan kami muliakan,

Bismillahirrohmanirrohim,

Ibaraik kapa tangah lauik nan dihayak dek galombang gilo dihampeh-hampeh badai. Pidoman kalam bakuliliang, aie ganang diburitan, karang mahadang suo kida tampan ka karam hanyo lai. Disalo pakiak pasisianyo, tadanga sorak dianjuangan manyuruah babaliak pulang puta haluan ka pangkalan. Juru mudi manyintak lahia, bakayuah baganjua suruik manuju taluak palabuahan, tampek asa mulai batulak.  Itulah misa jo umpamo sutan, Minangkabau sangkek ba desa dibawah rezim orde baru, sampai manggaga reformasi. Sialah urang ka manyangko, awak nan sadang tagak tali bak kabau mahampang jalan. Tibo garak angin bakisa nan kodoh bapidah tangan, lalu kalua undang-undang banomor 22 tahun 1999, iyolah sorak otonomi. Siriah babaliak ka gagangnyo, pinang pun suruik ka tampuaknyo lah pulang mamak nan hilang. Salamaik jalan bapak kades, salamaik datang inyiak wali, kito babaliak ka nagari. Jaza kumul wal khairat, tarimo kasih baucapkan.

Lintau

Lintau

Nak siang tarang bak hari mak asah tarang bak bulan sinan ka saiah ka maknanyo.  Molah … suruik disilau maso nan talapeh pambandiang zaman nan katibo. Usah basuo kecek pantun apolah bunyi pantunnyo,

Kapak siragai panutuahnyo,  ijuak tajalin jadi atok Galak badarai daulunyo, isuak manjadi buah ratok.

Mari kito baco kisah lamo simak di sutan elok-elok,

Kok masak satangkai tolong tuai masak sarumpun makan sabik Boneh naiakan ka rangkiang, hampo tinggakan dibalerong salah dek kami nan batanam.

Kok tibo tanyo jo siasek satantang babaliak kanagari kamano kito salamo ko? Jawabnyo indaklah lain, ulah dek saik penguasa urang bakasiah dicarainyo, nagari disiliah desa-desa, Minangkabau mati marano. Adopun nagari di Minangkabau bak ikan di dalam aie sutan. Hilang tuahnyo tabek gadang salamo puyu nan baranang inyo biaso dalam lunau. Sistem badesa jo balurah mungkin cocok untuak rang lain, tapi bukan untuak rang minang.  Survey mambuktikan, 20 tahun maso mancubo Sumatera Barat mamakai desa, nyatolah dalia sakahnyo gadang rugi dari labo dapek panjaik hilang kapak. Lah manjadi jati dirinyo bahaso karakter urang minang biaso bamusyawarah dalam manata masyarakatnyo.

Ko bakato baiyo jalan ba molah, elok diambiak jo mufakaik buruak dibuang jo rundiangan. Luruahnyo makanan tiriak ko bana manahan bandiang bantuak di makan siku-siku, pamimpin indak bakato qadim rakyat pantang maangguak-angguak sabalun dikisai jo mufakaik. Nyampang kok salah kabijakan dilawan guru jo pituah disolang mamak jo nan bana baalih argumentasi. Sahinggo rajo adil rajo disambah rajo lalim rajo disanggah, baitu pula pikirnyo dari daulu sampai kini hinggo nanti barubah tido. Agaknyo ikolah hakikat demokrasi, urek tunggangnyo hak azazi pakaian urang minangkabau.

Sawah Rajo - Sumpur Kudus

Sawah Rajo - Sumpur Kudus

Manuruik ukua jo jangko sapanjang alua jo patuik mamasokan caro badesa nan bak mamakai baju sampik sutan, senjang lahia sumbang dibatin. Bak alang-alang lamah bingkai dihalau angin jo limbubu maliuak manapi turun haram ka naiak tagak tali. Itulah nasib minangkabau salamo dibawah rezim orde baru, hidup tanpa gairah mati kreatifitas & hilang dinamika bagi bangsa. Sistem badesa jo ba lurah hanyo cocok di alam otokrasi jo bantuak corak feodal. Disinan rakyat badarai hambo sahayo indak berhak basuaro. Tahunyo kanai parentah taat jo patuah tak manjawab, nrimo titah atasan mambantah kanai kualat maangguak gadang manfaat. Marangkak manyambah-nyambah marungkuak mancium tangan, bia salah kalau pamimpin tabu manyapo jo mambandiang konon pulo ka mangaritik, di Minangkabau …. “no way”.

Sistem badesa sasuai jo caro di militer nan absolut. Parentahnyo batanggo turun sahutan bajanjang naiak. Hirarki bantuak piramid bulek suaro nan dipucuak. Dari panglima turun ka kodam, dari kodam taruih resimen, dari resimen ka bataliyonka kompi tibo paleton hinggo ka regu nan dibawah. Jawabnyo saroman samo …. “siap dilaksanakan”. Indak ado istilah “tunggu” indak ado kamus mangaceh kunun pulo tagak mambantah. Iyo lasuah caro serdadu, tapi rakyat bukan prajurit antah kok dalam zaman parang. Nah sasudah nagari lah barubah dari Orba ka Reformasi, kini babantuk otonomi sairiang babaliak ka nagari. Mako timbualah tanyo baru….”what next?”….”baa lai sasudah itu?”….”kama awak lai?”

Biaso di dalam adat, kok tanyo tantu iyo bajawab kok gayuang bakandak sambuik. Tapi nan ka manjadi sauik saponyo jawab indak cukuik sapatah. Bajalan indak salangkah sampai sapancuang alun mamutuih. Mari kito sigo dari pangka, disisiak lalu ka ujuangnyo hinggo mausai sapalapah. Jan sampai sorong lumpatan takacak lalu tahampehkan serak baserai pacahannyo.

Nyampang kok itu nan tarjadi basuo bak pantun urang.

Tambirah tumbuah di tabek, pinang sinawa rancak ranun Dek salah managuak ubek, aie panawa jadi racun.

Angku, mamak , bundo sarato adi dunsanak nan kami muliakan, marilah kito danga MP3 Babaliak Ka Nagari dari angku Yus Dt Prapatiah, semoga bermanfaat, amin ya Rabbal alamin.

Yus Dt Prapatiah – Babaliak Ba Nagari

Yus Dt Prapatiah - Babaliak Ba Nagari
Yus Dt Prapatiah – Babaliak Ba Nagari

Yus Dt Prapatiah – Babaliak Ba Nagari 1    (27,7 MB)  

Yus Dt Prapatiah – Babaliak Ba Nagari 2   (27,9 MB)

Yus Dt Prapatiah – Babaliak Ba Nagari 3   (22,2 MB)

Yus Dt Prapatiah – Babaliak Ba Nagari 4    (17,1 MB)

wasalam

Balerong Group – Narako Di Rumah Bako


Assalammuaalaikum wr wb

Dunsanak minang dimano sajo barado, tarutamo nan barado di rantau batuah jo nan di kampuang nan tacinto. Banyak terjadi kesalahpahaman memahami adat minang, walaupun ado alasan adat salingka nagari, balain nagari balain pulo adatnyo. Namun dunsanak, nan kami papakan iko adolah nan bakaitan jo pusako tinggi nan indak ado hubungan jo jo adat salingka nagari.

Kami persembahkan drama minang dari Balerong Group dengan judul Nagaro Di Rumah Bako, dengan harapan kito memahami apo nan sabananyo tujuan dari marantau, hubungan jo pusako tinggi & apo nan bisa dilakukan pabilo untuang indak dapek diraiah, nan malang indak dapek ditolak di rantau bantuah mantun.

Akhia kato, semoga bermanfaat, pabilo adi dunsanak bakalapangan kok ado nan ka didonasikan, bisa dunsanak hubungi lansuang Angku Yus Dt Prapatiah pimpinan Balerong Group Jakarta di nomor 0815 9719 761.

wasalam

Narako Di Rumah Bako

Balerong Group Jakarta – Narako Di Rumah Bako 1.mp3

Balerong Group Jakarta – Narako Di Rumah Bako 2.mp3

Balerong Group Jakarta – Narako Di Rumah Bako 3.mp3

Balerong Group Jakarta – Narako Di Rumah Bako 4.mp3

********

Syamsul : Ae rokok Angku?

Datuak Patiah : Eh kok rokok dari daun ka daunnyo koh. Kok indak daun anau jo daun nipah.

Syamsul : Kretek ko lai sasuai jo Angku ko ah?

Datuak Patiah : Sadang jo bendi lai sampai kunun jo oto sedan

Syamsul : Cubolah iko ciek angku hah.

Datuak Patiah : Ha iyolah… Karetek namonyo ko mah yo, cubolah agak sabatang.

Syamsul : Ha iko ko ah…iko ambo tinggakan untuak angku ko ah.

Datuak Patiah : Ee… batua sabanyak tu bana, bara bungkuih isinyo tuh?

Syamsul : Duo puluah bungkuih.

Datuak Patiah : Alhamdulillah… e lai salamaik di jalan?

Syamsul : Baraikaik doa, angku lai sihaik-sihaik se?

Datuak Patiah : Yo co ikolah sihaik rang gaek.

Syamsul : Nampak dek ambo, indak banyak bana perubahan Angku Datuak doh, basicogah juo saroman saisuaknyo.

Datuak Patiah : Cogah a juo lai ko, lah tambah ngunguak, kok bukik lah tinggi kok lurah lah dalam, raso tak lamo lai dunia dipakai.

Syamsul : Aa..mintuo kama angku?

Datuak Patiah : Pai manyilau cucu ka mudiak. Aa..takana diambo, anak-anak bih pulang?

Syamsul : Pulang sado alahnyo, pulang abih senyo angku.

Datuak Patiah : Bara urang paja-paja kini?

Syamsul : Batigo… badua laki-laki, surang padusi angku.

Datuak Patiah : Ah syukurlah, kama garan padusi?

Syamsul : Iyo urang sinan juo angku, kapak buruak tagadai maha.

Datuak Patiah : Oh, indak diagak-i baitu…urang awak urang lain samo sajo, nan pangka saiyo sakato. Kan lai saagamo?

Syamsul : Lai angku.

Datuak Patiah : Aa…rancak tuh, jan sarupo kajadian nan lah lapeh eh.

Syamsul : Baa kajadian nan lapeh Angku?

Datuak Patiah : Babini jo urang nan lain surau, bak ayam baranak itiak, nan sikua pai kalasuang, nan lain masuak ka lunau, di kandang baru basobok.

Syamsul : Aa, kalau minantu angku tu mudah-mudahan lai sasurau.

Datuak Patiah : Syukurlah.

Syamsul : Indak panuah ka ateh panuah ka bawah, ibadaik taik, sembahyang rajin.

Datuak Patiah : Alhamdulillah, syukurlah… iyo baitu. Anak-anak dididik jo ugamo, diaja mangaji, disuruah sikolah mak inyo jadi urang bisuak.

Syamsul : Lai Angku…. Mungkin kami kalamo di kampuang Angku.

Datuak Patiah : Rancak.

Syamsul : Nak mancubo pulo hiduik di kampuang.

Datuak Patiah : Bukan mancubonyo tu Syam…Tapi manikam jajak nan lamo.

Syamsul : Iyo Angku.

Datuak Patiah : Urang kampuang baliak ka kampuang, aratinyo sirih pulang ka gagang pinang pulang suruik tampuak. Iyo baitu nan katuju dek kami, jan tumpah ruah bana pai ka rantau. Tadorong sauak talampau rauik, sahinggo kampuang langang tapian, samak maratok, aruah urang daulu.

Syamsul : Iyo mukasuik kami marantau, nak mangulangi patanahan, sabab sawah jo ladang indak batukuak, anak buah bakambang juo, barabuik suok jo kamanakan Angku.

Datuak Patiah : Batua, tapi musti diingek Syam, rantau minang balain jo rantau cino. Dek kito ka rantau urang maamalkan pituah urang tuo, a pituahnyo?

Jarang-jarang  tugakan jaguang
Nak tampak puyuah balari
Adang-adang tinggakan kampuang
Tandonyo sayang jo nagari.

Datuak Patiah : Aa…maknanyo sakali-sakali maninggakan kampuang, indak bakalaran doh. Isuak kok nan dituga lah tumbuah nan dilambuak alah gadang, alun bana karimun rampak babuah labek ganjua lah langkah ka kampuang babaliak suruik ka nagari. Dibangun masyarakaiknyo, dipaliharo adaik jo limbago. Anak dipangku jo pancarian, kamanakan dibimbiang jo pusako, urang banyak dipatenggangkan. Itu baru manjadi minang sajatinyo. Ambo sokong niek si Syamsul nak manatap di kampuang, untuang-untuang manjadi contoh dek nan lain.

Syamsul : Bukan sakadar manyokong mah Angku, tapi mambantu.

Datuak Patiah : Insya Allah, insya Allah ambo bantu, tapi indak mambantu jo pitih ko hah.

Syamsul : Alah, pitih tu kan kamanantang habih tu nyo Angku. Nan ambo mintak jo Angku ko ah, bantuan jo caro, tolong jo aka dipitunjuak.

Datuak Patiah : Kok itu lai manaruah stek tu hah, nan pangka bakato baiyo bajalan ba molah, karajo basaro, itu nan paralu.

Syamsul : Iyo tarimo kasih Angku.

Pituah Adat Minangkabau MP3

Kisah Mak Adang oleh Angku Yus Dt Prapatiah – free download


Assalamualaikum wr wb

Angku, mamak, bundo sarato adi dunsanak kasadonyo,

Dibulan suci Ramadhan 1432 H nan ko kami lewakan mp3 dari angku Yus Dt Prapatiah satantang kisah hiduik seorang parewa nan banamo Hasan Tabuah atau mak Adang. Semoga apo nan bisa kito dangakan dari curai paparan kisah mak Adang ko bisa diambiak pangajaran bagi kito basamo. Pabilo ado dari ka bakeh angku, mamak, bundo sarato adi dunsansak nan ingin mambarikan donasi, kami persilahkan lansuang menghubungi angku Yus Dt Prapatiah asa kanagarian Sungai Batang salingka danau Maninjau pimpinan Balerong Group Jakarta dengan kontak person 0815 971 9761.

Mungkin itu sajo dari kami, Semoga bermanfaat, amin ya Rabbal alamin. salam dari ranah minang, tanah pusako bundo kanduang.

wasalam

Padang, 17 Ramadhan 1432 H

*************

Tiok malam manjalang lalok sadang anok urang kuliliang, mak Adang maranuang surang. Adang manangih syahdu  syahdan, lah basah talang ulunyo mangana doso salamo ko. Makin acok mandanga kaji ceramah buya di musajik, tambah kucuik tali jantuangnyo mangana-ngana hiduik ka mati di akhiraik baa lah bisuak. Di etong indak tae tong, dibilang lah banyak amek, doso lah banyak tapabuek, tak mungkin barampun lai. Manuruik surang guru-guru, bia sagadang bijo bayam dapek ganjaran pambalasan, urang manuntuik pambayaran. Bisuak hari di Padang Mahsyar tampek naraco jo timbangan lah nyato barek ka kida. Manampuah titi jambatan sarambuik dibalah tujuah, tampan badambun ka narako, nauzubillah masya Allah…

Kini mambayang tampak jaleh tumpukan doso salamoko. Bara gadang durhako anak, mandeh kanduang maragang nyawo, anak di lapiak judi juo. Nampak-nampak di ruang mato rando di gadih ta aniayo ulah kaji gasiang tangkurak. PRRI dibantai APRI, informasi dari mak Adang. Pangulu, imam jo katik dileceh dicumeehkan, pareman patah-patah kanai kakinyo di terminal. Hangok pak mandua nan malayang kanai gayuang siuntuang sudah. Itu baru hubungan, kaitan jo manusia. Dikana pulo doso ka Tuhan, sumbayang indak barasiah, puaso sakali haram. Hampok pamenan tiok hari, tuak ka gantinyo kopi, zina nan indak bapimatang…sambuah.

Talampau banyak kalau dibilang sutan, panuah halaman kalkultator, error computer dibueknyo Allah sajo nan katahu. Tapi… dek lai rajin batanyo, sungguah baraja dek manyimak awak dipangka dimusajik, lamo-lamo taubek hati, tabik samangek ba ibadah mulo maurai ciek-ciek. Dipalanca bacaan shalat, dihapa ayat surek amma sampai bisa mambaco Quran. Kok sumanjak mulai sumbayang nan pandai hanyo rukuak tagak, urang sujuik awak pun sujuik. Kini lah paham tahu bana langkok jo dzikir doa-doa nan sunat sarato wajib. Konon kaji nan batarimo, sabanyak-banyak doso sagadang-gadang maksiat, kok lai tobat nasuha Allah mamaaf maampuni pupuah barasiah indak basiso. Iko nan alah baamalkan, yaitu mangaku raso basalah bajanji indak ka maulang, mambanci apo nan dilarang. Itulah tobat nasuha bukannyo tobat samba lado.

Makin dikali makin dalam tambah dikanang tambah nyato, bodohnyo badan salamo ko. Walau awak babuek jahek urang balaku baiak juo muko kama la ka disuruakan…. Baa ka indak? Partamo Syahrial manyalamaikan, hangok diujuang-ujuang badia awak buronan maso itu. Kaduo Katik Sampono, kok indak jaso baliau mungkin kajadi sarok balai, tampan ka mati tingga di kota gadang nan ko. Kaduonyo urang sakampuang nan salabuah satapian dunsanak caro banagari. Dek raso baradaik balimbago basuku bapuak-puak, gadang tolong bantuan adaik anak rang ranah Lubuak Aluang manyambuik dagang dari Medan. Raso ukhuwah islamiah jamaah musajik manyantuni ikhlas indak ingin harok baleh… masya Allah… masya Allah…

“Alangkah hinonyo diri nan ko ya Tuhan…”

“Urang sakampuang sanagari, urang  saadaik salimbago”

“Urang  saiman saagamo itu nan ambo zalimi salamo ko”

“Kini di saat awak tak badayo”

“Bukanlah sumpah batarimo bukan pulo dandam kasumat”

“Malah dibantu disantuni buruak ditimpo jo nan baiak tubo dibaleh aia susu”

Maafkan ambo… maafkan…”


Yus Dt Prapatiah – Kisah Mak Adang 1
 – 28,3 MB durasi 30 :12 menit 

Yus Dt Prapatiah – Kisah Mak Adang 2 – 27,7 MB durasi 29 :38 menit

Yus Dt Prapatiah – Kisah Mak Adang 3 – 27,9 MB durasi 29 :50 menit

Yus Dt Prapatiah – Kisah Mak Adang 4 – 27,9 MB durasi 29 :49 menit

Grup Pulai Sakti – Randai Panglimo Gagah jo Puti Reno Nilam format MP3


Assalamualaikum wr wb

Manolah angku, mamak, bundo jo adi dundasak sapalanta PAM nan kami muliakan,

Ampun baribu kali ampun, ampunkan kami dek pangulu, niniak jo mamak nan ta undang nan gadang basa batuah, urang nan arih bijasano, suluah bendang dalam nagari.

Jari sapuluah kami susun, batakuakan kapalo nan satu, jo sambah data kami jalang, gadang nan indak ka baimbau gala, ketek nan indak ka tasabuik namo, jaweklah sambah dari kami.

Salam taunjuak ka ulama, urang sakitab saagamo, kitablah nyato dari Allah, sunnahlah nyato dari nabi, rila jo maaf kami mintak, ka bakeh ayah nan jo bundo, maafkan kami ka malangkah, rilakan kami ka mangirok.

Kami sagalo anak mudo, dari grup randai Pulai Sakti, di dalam desa Lubuak Pulai, Sirukam namo nagarinyo, kecamatan Payuang Sakaki. Gadang mukasuik jo sangajo, mambaok dunsanak kasadonyo, mandangakan curito randai nan ba namo Panglimo Gagah.

Kito hiliakan batang Lembang, baranti kito di Solok, rrang nan rami di tapian, samulo curito kami kambang, di cinto lai  ka nan elok, tapi ko malang pandakian. Kok panjang rancano pena, kalam ko salah babarito, bintiak jo barih ko batuka ampunkan kami kasadonyo.

Kok ado ereang jo gendeang atau talompek kato-kato, usah manjadi upek puji, maklumlah kami mudo matah darah nan balum satampuak pinang umua pun balun satahun janguang, dek capek kaki talangkahkan, dek ringan tangan taayunkan, kok tasingguang mamak di ka naiak, jikok tagisia dek katurun, maafkan kami tantang itu.

Mano pandanga kasadonyo, lapeh dari dari bukik Tandang, mandaki jalan ka tabek ka mudiak ka Kubang Duo.   Pado dirantang panjang-panjang bia dipunta maknyo singkek diambiak sado kapanguno.

Mandaki banyaklah kabuik, manampuah hutan kayu jati, kayu kalek banyak babuah, bacampua jo kayu kamek. Sambah  sagitu kami sabuik, pangulu banyak nan sati, rang gadang banyak nan batuah, tuanku banyak nan kiramaik.  Mako di nan kini nan ko, samulo kaki ka malangkah, samulo tangan ka mangirai jo dendang diarak sambah tandonyo randai ka dimulai….

Grup Pulai Sakti – Randai Panglimo Gagah jo Puti Reno Nilam A – 29 MB

Grup Pulai Sakti – Randai Panglimo Gagah jo Puti Reno Nilam B – 29 MB

Grup Pulai Sakti – Randai Panglimo Gagah jo Puti Reno Nilam C – 23 MB

Grup Pulai Sakti – Randai Panglimo Gagah jo Puti Reno Nilam D – 23 MB

Randai is a folk theater tradition of the Minangkabau ethnic group which incorporates music, singing, dance, drama and the silat martial art.Randai is usually performed for traditional ceremonies and festivals, and complex stories may span a number of nights. It is performed as theater in the round to achieve an equality and unity between audience members and the performers. Randai performances are a synthesis of alternating martial arts dances, songs, and acted scenes. Stories are delivered by both the acting and the singing and are mostly based upon Minangkabau legends and folktales. Randai originated early in the 20th century out of fusion of local martial arts, story-telling and other performance traditions. Men originally played both the male and female characters in the story, but since the 1960s women have also participated.

wasalam

admin PAM

http://www.4shared.com/folder/jrdf_bVE/Grup_Pulai_Sakti_-_Randai_Pang.html

http://www.4shared.com/u/d-MDQOwk/Pituah_Adat_Minangkabau.html

e-book Manajemen Suku


Assalamualaikum wr wb

Alhamdulillah  e-book Manajemen Suku yang diterbitkan oleh LKAAM Kabupaten Solok bersama Solok Saiyo Sakato (S3) Jakarta dan sekitarnya sudah selesai diedit dan bisa dirilis malam ini.

Adalah pertemuan dengan Angku Drs. Hasan Basri Dt. Maharajo Indo asa nagari Cupak Kec. Gunung Talang Kab. Solok – yang secara tak sengaja difasilitasi pak Saafroedin Bahar –  memberi ide kepada saya untuk mengedit file Majajemen Suku Pdf yang bersumber dari Blog Pak Maifil Eka Putra, S.Ag.  yang besar filenya 11,015 MB terdiri dari 263 halaman menjadi 859 kB dengan jumlah 124 halaman dengan ukuran print out A4.

Diskusi dengan Angku Hasan Basri Dt. Maharajo Indo

Mengapa hal ini sangat perlu dilakukan? Sebab menurut hasil diskusi saya dengan angku Hasan Basri Dt. Maharajo Indo, bahwa di era otonomi daerah amatlah perlu nagari-nagari bisa merilis peraturan nagari (Perna) yang sangat dibutuhkan untuk menjaga eksistensi nagari sebagai komunitas masyarakat adat. Hal inilah yang telah dilakukan oleh nagari-nagari di Kabupaten Solok yaitu dengan bersama-sama LKAAM Kab. Solok yang bersinergi dengan organisasi perantau Kab. Solok (Solok Saiyo Sakato) dengan merilis buku ini.

Pastinya seorang anak Minang tidak akan menerima apabila ia dikatakan tidak beradat. Padahal sejak dikeluarkannya UU  pemerintahan desa No. 5 tahun 1979 yang secara efektif menghapus nagari-nagari di Sumatera Barat paling akhir tahun 1983, mencerabut esensi struktural masyarakat adat Minangkabau. Dapat dipastikan saat ini,  hanya orang Minang yang pernah bermukim di kampung halaman sajalah dan berusia paling tidak 50 tahun, yang pernah merasakan apa yang disebut dengan Pemerintahan Nagari di masa lalu.

Dengan diberlakukannya kembali UU otonomi daerah No. 22 tahun 1999 dan direvisi dengan UU otonomi daerah No. 33 tahun 2004 dimana kembali diterapkannya sistem pemerintahan nagari di seluruh wilayah Sumatera Barat (kecuali Kepulauan Mentawai) mau tidak mau masyarakat Minangkabau baik yang di Nagari maupun di perantauan harus mempelajari  kembali apa yang sebenarnya disebut dengan Pemerintahan Nagari yang sangat berkaitan erat dengan struktur masyarakat adat Minangkabau.

Dalam e-book Manajemen Suku inilah kapado Angku, Mamak, Bundo, sarato adi dunsanak nan ambo muliakan bisa mempelajarinya kembali secara terperinci tentang struktur masyarakat adat minangkabau yang sangat dikenal semangat demokratis &  tatanan organisasi lokal yang disebut dengan nagari.

Harapan kami, semogo generasi muda minangkabau lebih memahami khazanah usali budaya bangsanya, mempelajari demokrasi yang egaliter, saling menghargai & mengenal nilai-nilai raso jo pareso nan barajo kepada musyawarah & mufakat sesuai alua jo patuik yang bermuara pada ajaran-ajaran Islam nan tagak sandirinyo.

Akhir kata kami hanya bisa berpesan kepada dunsanak Minang dimano sajo barado , semoga kita bisa belajar bagaimana bermufakat dan bukannya berdebat. Mohon maaf pabilo ado nan takurang, semoga bermanfaat Amin ya rabbal alamin.

wasalam

untuk mengunduh e-book  silahkan klik tulisan E-book Manajemen Suku dibawah ini.

E-book Manajemen Suku

Cover E-book Manajemen Suku
Cover E-book Manajemen Suku

E-book Otobiografi Buya Ahmad Safii Maarif


Titik -Titik Kisar di Perjalananku

Titik -Titik Kisar di Perjalananku

Ahmad Syafi’i Ma’arif (lahir di Sumpurkudus, Kabupaten Sijunjung, Sumatera Barat, 31 Mei 1935; umur 75 tahun) adalah mantan Ketua Umum Pengurus Pusat Muhammadiyah, yang juga dikenal sebagai seorang tokoh dan ilmuwan yang mempunyai komitmen kebangsaan yang kuat. Sikapnya yang plural, kritis, dan bersahaja telah memposisikannya sebagai Bapak Bangsa. Ia tidak segan-segan mengkritik sebuah kekeliruan, meskipun yang dikritik itu adalah temannya sendiri.

Masa muda

Sejak kecil ia hidup dalam lingkungan keislaman yang kental. Lulus dari Ibtidaiyah Sumpurkudus, ia melanjutkan ke Madrasah Muallim Lintau, yang kemudian pindah ke Yogyakarta di sekolah yang sama. Ia memang mengambil seluruh pendidikan menengahnya di Mualimin Muhammadiyah. Kemudian ia melanjutkan pendidikannya ke Fakultas Hukum Universitas Cokroaminoto, Solo, hingga memperoleh gelar sarjana muda. Setamat dari Fakultas Hukum, ia melanjutkan pendidikannya ke IKIP Yogyakarta, dan memperoleh gelar sarjana sejarah.

Selanjutnya bekas aktivis Himpunan Mahasiswa Islam ini, terus meneruskan menekuni ilmu sejarah dengan mengikuti Program Master di Departemen Sejarah Universitas Ohio, AS. Sementara gelar doktornya diperoleh dari Program Studi Bahasa dan Peradaban Timur Dekat, Universitas Chicago, AS, dengan disertasi Islam as the Basis of State: A Study of the Islamic Political Ideas as Reflected in the Constituent Assembly Debates in Indonesia.

Selama di Chicago inilah, anak bungsu di antara empat bersaudara ini, terlibat secara intensif melakukan pengkajian terhadap Al-Quran, dengan bimbingan dari seorang tokoh pembaharu pemikiran Islam, Fazlur Rahman. Di sana pula, ia kerap terlibat diskusi intensif dengan Nurcholish Madjid dan Amien Rais yang sedang mengikuti pendidikan doktornya.

Si Anak Kampoeng
Si Anak Kampoeng

Penulis Damiem Demantra membuat sebuah novel tentang masa kecil Ahmad Syafi’i Maarif, yang berjudul ‘Si Anak Kampung’.

Aktivitas

Setelah meninggalkan posisnya sebagai Ketua Umum PP Muhammadiyah, kini ia aktif dalam komunitas Maarif Institute. Di samping itu, guru besar IKIP Yogyakarta ini, juga rajin menulis, di samping menjadi pembicara dalam sejumlah seminar. Sebagian besar tulisannya adalah masalah-masalah Islam, dan dipublikasikan di sejumlah media cetak. Selain itu, ia juga menuangkan pikirannya dalam bentuk buku. Bukunya yang sudah terbit, antara lain, berjudul Dinamika Islam dan Islam, Mengapa Tidak?, kedua-duanya diterbitkan oleh Shalahuddin Press, 1984. Kemudian Islam dan Masalah Kenegaraan, yang diterbitkan oleh LP3ES, 1985. Atas karya-karyanya, pada tahun 2008 Syafii mendapatkan penghargaan Ramon Magsaysay dari pemerintah Filipina.

Berikut kami berikan link e-book biografi Ahmad Syafii Maarif yang bisa diunduh dengan gratis setebal 367 halaman, ukuran file : 851 kb, format file : PDF

Titik -Titik Kisar di Perjalananku – sebuah Otobiogarfi Ahmad Syafii Maarif

Semoga link ini bermanfaat menambah perbendaharaan khazanah bacaan kita sebagai orang minangkabau. Akhir kata, semoga bermanfaat amin ya Rabbal alamin.

Padang, 5 April 2011